Өглөө.мн Шинэ өглөө, Шинэ мэдээлэл
Өнөөдөр Гадаад Харилцааны сайд Л.Болд Бүгд Найрамдах Франц Улсын Засгийн газрын гишүүн, Хүнс, хөдөө аж ахуй, ойн асуудал эрхэлсэн сайд Гийом Гарог хүлээн авч уулзлаа. Монгол улсын ардчилсан Ерөнхийлөгч дахин сонгогдож, тангараг өргөх ёслолд БНФУ-ын Ерөнхийлөгч Франсуа Олланд өөрин бие төлөөлөгчөөр Засгийн газрын гишүүн илгээсэн нь Монгол Улстай хөгжүүлж байгаа харилцаандаа онцгой ач холбогдол өгч байгаагийн илрэл юм хэмээн сайд Л.Болд онцлон тэмдэглэлээ.
Уулзалтын үеэр Францын тал манай улстай технологи, аж үйлдвэр, хөдөө аж ахуйн салбарт хамтран ажиллаж тодорхой үр дүнд хүрэх сонирхол өндөр байгаагаа илэрхийлсэн юм.
Түүнчлэн Зүүн хойд азийн бүс нутгийн аюулгүй байдал, Солонгосын хойг дахь энх тайван, тогтвортой байдлыг хангах зорилгоор Улаанбаатарын яриа хэлэлцээг Монгол Улс санаачилж байгааг сайд Л.Болд уулзалтын үеэр БНФУ-ын хүнс хөдөө аж ахуйн сайд Гийом Гарод мэдэгдлээ.
