Чингисийн талбай болгох тогтоолыг ингэж баталжээ

   Нийслэлийн Засаг даргын тамгын газраас Нийслэлийн төв талбайг Чингис хааны нэрэмжит болгох тогтоолын төсөл өргөн барьсныг Нийслэлийн иргэдийн төлөөлөгчидын хурлаар ёсоор болгосноор Сүхбаатарын талбай Чингис хааны нэрэмжит талбай болохоор болоод байна.

Энэ асуудлаар цахим хэрэглэгчид болон олон нийт ихээхэн шүүмжлэлтэй хандаж, интернет орчинд маргааны нэг хэсэг болоод байгаа юм. Сүхбаатарын талбайг Чингис хааны нэрэмжит болгохоор болсон шалтгааныг санаачлагчид тодорхой тайлбарлахгүй байгаа юм.

Тогтоолын төсөлд тусгаснаар иргэдийн санал санаачлаг, эрдэмтэдийн судалгаанаас үндэслэсэн хэмээжээ.

Т.Түвшин

Ugluu.mn