Мэргэшлийн зэрэг олголоо

Хоол үйлдвэрлэл, үйлчилгээний салбарын мэргэжилтнүүдэд мэргэшлийн зэрэг олгох үйл ажиллагаа өнөөдөр Хүнс, хөдөө аж ахуйн яаманд боллоо. “Хүнс, хөдөө аж ахуйн салбарын мэргэжилтэнд мэргэжлийн зэрэг, нэмэгдэл олгох журам”-д заасны дагуу болзол хангасан мэргэжилтнүүдэд ахлах, тэргүүлэх, зөвлөх зэргийг олголоо.

Хоол үйлдвэрлэл, үйлчилгээний салбартаа шинэлэг амжилт гаргасан 16 мэргэжилтэн зөвлөх, 3 мэргэжилтэн тэргүүлэх, 7 мэргэжилтэн ахлах зэргийг хүртсэн юм.