Өглөө.мн Шинэ өглөө, Шинэ мэдээлэл
Сара Макдэниэл (Sarah McDaniel) хэмээх 20 настай Америк бүсгүй бусад загвар өмсөгч моделиудын ижил өндөр гуалиг эсвэл үзэсгэлэнтэй биш энгийн л нэгэн. Харин түүнийг алдарт хүргэсэн гол шалтгаан нь үнэхээр итгэмээргүй ажээ.
Тэрээр төрөлхийн хоёр өөр нүдтэй бөгөөд “LA Models” агентлагт загвар өмсөгч хийдэг ажээ. Түүний тухай гэрэл зурагчин Gregorio Campos хэлэхдээ: “Үнэндээ төгс биш зүйл л хамгийн ТӨГС байдаг юм. Түүний бусдаас өөр этгээд төрх нь илүү гоо үзэсгэлэнтэй болгодог” гэжээ.
Сара инстаграм хуудаснаа 60 мянга гаруй дагагчидтай болж “Хүмүүсийг солиоруулахаар нүдтэй” гэх хочийг шүтэн бишрэгчдээсээ авсан байна.
Судалгаагаар хоёр өөр нүдтэй төрөх тохиолдол 1000 хүн тутмын 11-т боломжтой ажээ. Ийм хүмүүс нүдээ ижилхэн болгохын тулд линз зүүх эсвэл хагалгаанд ордог гэнэ. Харин Сара өөрийн дутагдлаа давуу тал болгож амжилтанд хүрч чадсан байна.
www.saak.mn
