Г.Эрхэмбаяр аваргадаа зориулж Сэлэнгэ аймгийнхан наадам хийнэ

   Ардын хувсгалын 92 жилийн ойн Үндэсний бөхийн барилдаанд ес даван түрүүлсэн Сэлэнгэ аймгийн Мандал сумын харьяат Улсын аварга Г.Эрхэмбаярт нутгийнхан нь хүндэтгэл үзүүлж наадам хийхээр болжээ. Сэлэнгэ аймгийн Сүхбаатар хотод наймдугаар сарын 2-нд “Сэлэнгэ түмний бахархалын баяр наадам” нэртэйгээр зохин байгуулагдах юм.

Наадмаар Бөх барилдаж, их нас,  соёолон, дааганы уралдаан зохион байгуулна. Халх сурвын харваа харвана. Мөн нутгаас төрсөн аваргаа сумынхан нь том шагнал олгохоор зэхэж буй ажээ. Шинэ аварга хэд хоногийн өмнө Мандал сумандаа очиж баяраа хуваалцжээ.

Т.Түвшин

Ugluu.mn