Авсанд хэвтүүлэх сэтгэлзүйн үйлчилгээ

Амиа хорлох бодол тээж байгаа хүмүүст туслалцаа үзүүлэх төвийнхөн сэтгэл санааны гүн гутралд орсон хүмүүст үхэл гэж чухам юу байдгийг биеэрээ мэдрэхийг санал болгож байгаа аж. Үүний тулд тэдгээр үйлчлүүлэгчдийг 10 минутын хугацаанд авсан дотор хийж түгждэг байна. БНСУ-д байдаг тус төвөөр үйлчлүүлэгчид гэрээслэл үлдээж, ойр дотныхондоо сэтгэлийн үгээ илэрхийлсэн захидал бичдэг.
Тус төвд хандагсдын дотор оюутнууд цөөнгүй байдаг гэнэ. Тэд хичээлийн ачааллаа дийлэхгүй байгаа учир амиа егүүтгэх бодлыг тээдэг аж. Мөн санхүүгийн асуудалд орсон дунд насны хүмүүс цөөнгүй тааралдана. Бас гэр бүлийнхэндээ лай болохыг хүсдэггүй өтөл насныхан ч байдаг юм.
Үхлийг жинхэнэ утгаар нь мэдэрснээр тэд сэтгэл санаагаар унахаа больж, элдэв асуудлаасаа чөлөөлөгддөг гэнэ шүү. Хүмүүс үхэл гэж чухам юу вэ гэдгийг ойлгож, мэдрээд зогсохгүй амьд байгаа цагт боломж заавал байдаг гэдгийг ухаардаг аж.

эх сурвалж: everyday.mn