Бөгжийг аль хуруундаа хэрхэн зүүх ёстой вэ?

Эмэгтэй хүнийг сайхан харагдуулах чухал зүйлсийн нэг яах аргагүй гоёл чимэглэл байдаг. Гэхдээ хамгийн сайн хослуулж зүүсэн нь л сайхан харагдана. Өнөө үед бид гоёл чимэглэлийн зүйлсээ өөрийн дураар, ямар нэгэн дүрэм журамд баригдалгүй зүүх болсон. Гэвч ямар гоёлыг хаанаа зүүх нь бага зэргийн дүрэмтэй. Ялангуяа бөгжийг аль хуруундаа зүүснээс шалтгаалж хувь хүний амьдралд нөлөөлж байдаг байна.
InbalBittanHarmonyRing
Зүүн гарын долоовор хуруунд бөгж зүүх нь хүний сэтгэлийг тогтворгүй, хөнгөн болгож, тухгүй байдлыг үүсгэдэг. Мөн уй гашуу, хагацал, таагүй зүйл болсныг илэрхийлдэг байжээ.
085faf3798c755f0original
Баруун гарын долоовор хуруунд зүүсэн бөгж нь ойр дотны хамаатан садан, найз нөхдөөсөө хагацаж салсны болон тэднийг дурсаж, хүндэтгэхийн илэрхийлэл болдог байна.
Эрхий хуруунд бөгж зүүх нь оюун ухаан, эрх мэдлийн билгэдэл хэмээн үздэг. Мөн өөртөө итгэх итгэлийг болон дотоод хүчийг илүү харуулдаг аж.
e14de60e34151dc4original
Дунд хуруунд ерөнхийдөө бэлэг дурсгалын, бат нөхөрлөлийн гэх мэт утга агуулах бөгжийг зүүдэг. Ингэснээр тухайн хүнийг хүндэтгэж буйн шинж ажээ. Зарим газарт зүүн гарын дунд хуруунд сүйн бөгжийг зүүдэг ёс ихэд дэлгэрсэн байдаг.
88ade9079f93ad99original
Ядам хуруунд бөгж зүүх нь хайр дурлалд одтой байх, хүний сэтгэлийг татах чанарыг сэргээдэг гэх бөгөөд түүнчлэн сэтгэл үл хувирахыг билэгддэг ажээ. Тиймдээ ч зүүн гарын ядам хуруунд олон орны хүмүүс бөгж солилцон, хайр дурлалын илэрхийлэл болгож хуримын бөгж зүүдэг байна.
Баруун гарын ядам хуруунд эрдэнийн шигтгээтэй болон чамин хийцтэй бөгж зүүх нь хайр дурлалд азтай байх болон тухайн хүний аз хийморь, цог жавхааг сэргээдэг ажээ.
3f8d432a6bfe3be9original
Чигчий хуруунд бөгж зүүх нь эд баялаг, олз омог, ашиг орлогыг билэгддэг. Баруун гарын чигчий хуруунд алт болон монетон элдэв шигтгээтэй /кольцо/ хэлбэрийн бөгж зүүдэг бөгөөд энэ нь дотор тал буюу алган тал нь ангархайтай хавчдаг байж болох гэнэ. Учир нь тэр ангархайгаар үргэлж ашиг орлого, олз омог хуран цуглахыг билэгддэг аж. Зүүн гарын чигчий хуруунд алт монетон чамин хийцтэй, эрдэнийн шигтгээтэй ангархайгүй битүү бөгж зүүдэг. Энэ нь эд баялаг, ашиг орлогыг даллаж, арвижуулж, тогтоохын билэгдэл ажээ.
f6ba3ce96c1bb107original
эх сурвалж: emegteichuud.mn

Санал болгох мэдээ

Ус ихээр тогтдог зарим байршлуудад ус зайлуулах шугам угсарчээ

2021 онд Геодези, усны барилга, байгууламжийн газраас ус ихээр тогтдог байршлуудын судалгааг гаргасан. Ингэхдээ дүүрэг, …