Өглөө.мн Шинэ өглөө, Шинэ мэдээлэл
Өнгөрөх баасан гарагт Үндэсний мэдээллийн төвд мэдээлэл хийх үеэр өөрийгөө шатаасан “Эрдэнэс тавантолгой” ХХК-ийн ҮЭ-ийн дарга С.Эрдэнэ олон нийтийн анхаарлын төвд байлаа. Тэрбээр компанийнх нь удирдлагууд ажилчдаа шилжүүлэх гэрээг дур мэдэн хийж, олон нийтэд ташаа мэдээлэл өгсөн. Мөн 200 гаруй ажилтанаа шилжүүлэх нэрийдлээр цомхотгох байгааг эсэргүүцэн ийнхүү өөрийгөө шатаасан юм. Одоогоор С.Эрдэнэ 1, 2, 3-р зэргийн түлэгдэлттэй, сэхээн амьдруулах тасагт эмчлүүлж байна. Мөн Гэмтэл согог судлалын төвөөс гал залгисан улмаас юм идэх боломжгүй болсон гэдгийг мэдээллээ.
