Өглөө.мн Шинэ өглөө, Шинэ мэдээлэл
Олимпийн аварга, Хөдөлмөрийн баатар, МУГТ Н.Түвшинбаяр ирэх 2016 оны Бразилийн Рио-де-Жанейрогийн олимпийн дараа зодог тайлахаар шийджээ. 2008 оны Бээжингийн олимпоос алт, 2012 оны Лондонгийн олимпоос мөнгөн медаль хүртсэн тэрбээр олимпийн хос медиалаа гурав болгож, олимпийн наадмаас дараалан гурван медаль хүртсэн Монголын анхны тамирчин болохыг мөрөөддөг бөгөөд энэ мөрөөдлөө биелүүлсний дараа өөр нэгэн мөрөөдлөө биелүүлэхээр зорих бололтой. Өдгөө дөрвөн хүүхдийн эцэг тэрбээр гавьяаныхаа амралтад гарахыг хүсэхийн сацуу улстөрд орохыг хүсэх болсон байна. Учир нь түүнийг ойр тойрныхон нь улстөрд орохыг ятгаж, бүр 2016 оны сонгуульд нэр дэвшүүлэхээр төлөвлөж байгаа аж.
