“Эгшиглэнт чимээ” хамтлагийн багшид 60 сая төгрөг бэлэглэхээ амлалаа

Өнөөдөр “Авьяаслаг монголчууд” шоу нэвтрүүлгийн эцсийн шатны шалгаруулалт болж буй. 22.30 цаг хүртэл эцсийн шатанд тунаж үлдсэн 8 оролцогчид өгөх саналыг тусгай дугаарт хүлээн авч буй яг энэ цаг мөчид бизнесийнхний хүрээнд Швейцарь Отгоо нэрээрээ танигдсан Д.Отгонжаргал “Эгшиглэнт чимээ” хамтлагийн багш Жамъянхорлоод 60 сая төгрөг бэлэглэхээ цахим сүлжээгээр дамжуулан мэдэгдээд байна.

Авьяасыг дэмжих өгөөмөр монголчуудын тоо үүгээр дуусахгүй бололтой. Өвөрхангай аймаг дахь АН-ын хорооны дарга Төмөрбаатарын Хасбаатар “Эгшиглэнт чимээ” хамтлагийн тоглолтыг Япон улсад зохион байгуулж өгөхөө твиттерт жиргэж амжжээ.