Өглөө.мн Шинэ өглөө, Шинэ мэдээлэл
Олон нийтийн телевиз, сайтуудаар болон “Өдрийн сонин”-д “Сэлэнгэ аймгийн Сайхан суманд онц ноцтой хүн амины хэрэг гарсан буюу хоолойг хэрчиж, толгойг нь салгасан гэмт хэрэг гарсан” гэх мэдээлэл гарсан.
2015 оны 5 дугаар сарын 24-ний өдөр Сэлэнгэ аймгийн Сайхан сумын 1-р багийн нутаг Хогийн хонхор /хог асгадаг цэгт/ гэх газар хоолойгоо хэрчүүлсэн байдалтай нас барсан хүний цогцос олдсон үйлдэлд, 2015 оны 5 сарын 24-ний өдөр Эрүүгийн хуулийн тусгай ангийн 91 дүгээр зүйлийн 91.1 дэх хэсэгт зааснаар эрүүгийн хэрэг үүсгэн мөрдөн байцаалтын ажиллагаа явуулж, дээрх хэргийг Б гэгч нь үйлдсэн болохыг тогтоосон байна.
Сэлэнгэ аймгийн сум дундын хоёрдугаар прокурорын газар яллагдагч Б-д Эрүүгийн хуулийн тусгай ангийн 91 дүгээр зүйлийн 91.2.12, 91.2.15 дахь хэсэгт заасан зүйлүүдээр ял сонсгож, яллагдагчаар татаж яллах дүгнэлт үйлдэн 2015 оны 9 дүгээр сарын 16-ны өдөр шүүхэд шилжүүлсэн ба Сайхан сум дахь Сум дундын шүүх 2015 оны 10 сарын 17-ны өдрийн шүүх хуралдаанаар хэргийг хянан хэлэлцээд, шүүгдэгч Б-г онц харгис хэрцгий аргаар бусдын амь насыг хохироосон гэмт хэрэг үйлдсэн гэм буруутайд тооцон 16 жилийн хорих ялыг чанга дэглэм бүхий хорих ангид ял эдлүүлэхээр шийдвэрлэжээ.
