Өглөө.мн Шинэ өглөө, Шинэ мэдээлэл
Энд тэнд өвдлөө гээд эм их хэрэглэдэг хүмүүс энэ тухай сонсоод эргэлзэж байж болох юм. Тэгвэл үнэхээр үнэн гэдгийг орчин үеийн анагаах ухаан батлаад байна. Учир төрөл бүрийн жимс , жимсгэнэ нь эрүүл хоолны дэглэм барихад амин чухал ач холбогдолтой гэдгийг дэлхийн олон эрдэмтэн судалжээ. Жимсний агууламжид ислэг аминдэм, үл исэлдүүлэгч их хэмжээтэй агуулагдсан байдаг учраас хорт хавдраас сэргийлдэг байна. Харин манайд ургадаг нэрс, үхрийн нүд, аньс зэрэг нь C,PP, B бүлгийн аминдэмээр баялаг тул чихрийн шижин, зүрх судасны хатуурлаас сэргийлэхээс гадна биеийн дархлааг сайжруулдаг юм байна шүү дээ. Тиймээс та зуны цагт эдгээр жимс, жимсгэнээс боломжоороо нөөцөлж авахыг хичээгээрэй. Мөн импортоор гаднаас нийлүүлэгддэг алим, жүрж, усан үзэм, улаан, хар өнгийн жимс аль ч улиралд худалдан авч хэрэглэх нь тохиромжтой юм шүү. Хүүхнүүдээ анхааралдаа аваарай.
