Өглөө.мн Шинэ өглөө, Шинэ мэдээлэл
Дэлхийн дээвэр Гималайн ноён оргилуудад хагас хүн, хагас сармагчин биетэй алмас буюу цасны хүн байдаг эсэх талаар үлгэр домог мэт яриа үргэлжилсээр байна. Ямар ч судлаач алмасыг илрүүлж, судлаагүй боловч түвдүүд олон зууны турш цасны хүндээ итгэсээр ирсэн юм. Харин 1951 онд нэрт аялагч Эрик Шиптон алмасыг илрүүлэх шинэ экпедицийнхээ үеэр олсон мөр шинжлэх ухаанд шинэ хуудас нээсэн юм. Цасан дээр үлдсэн 33 см урт, 21 см өргөнтэй хөлийн мөр алмасын талаарх хамгийн үнэн баримт болсон. Нутгийн иргэд алмасыг 2-2.5 м өндөр нуруутай, хоёр хөл дээрээ алхдаг, нүүр биеэрээ битүү үстэй гэж ярьдаг ажээ.
