Өглөө.мн Шинэ өглөө, Шинэ мэдээлэл
Дархан-Уул аймгийн нутгийн захиргааны байгууллагын төрийн жинхэнэ албан тушаалын сул орон тоог нөхөх зорилгооорТөрийн жинхэнэ албаны мэргэшлийн шалгалт авах тов зарлагдлаа.
Зарлагдаж буй сул орон тоонд тухайн албан тушаалд тавигдах боловсрол, мэргэжил, мэргэшил, туршлага, ур чадвар болон тусгай шаардлагыг хангасан, энэ албан тушаалд ажиллахыг хүссэн иргэнийг бүртгэнэ.
Мэргэшлийн шалгалтад орохыг хүссэн иргэдийг аймгийн Засаг даргын Тамгын газрын 41 тоот өрөөнд 2016 оны 03 дугаар сарын 03, 04-ний өдрүүдэд 08:00 – 12:00, 13:00 – 17:00 цагийн хооронд бүртгэнэ.
Бүртгүүлсэн иргэдэд зориулсан шалгалтын зохион байгуулалт, шалгалт өгөх газар, хуваарь, цахим шалгалт өгөхзааварчилгааг Салбар комисс аймгийн Засаг даргын Тамгын газрын Хурлын танхимд 2016 оны 03 дугаар сарын 04-нийөдрийн 18.00 цагт өгнө.
Мэргэшлийн шалгалтад орох иргэн шалгалттай холбогдох зардлыг өөрөө хариуцах бөгөөд мэргэшлийн шалгалт өгөх иргэний шалгалтын үйлчилгээний зардал 6000 /Зургаан мянган/ төгрөг байна
Бүртгүүлэх иргэн дараахь бичиг баримтыг бүрдүүлнэ
- Төрийн албан хаагчийн анкет (Төрийн албан хаагчийн биеийн байцаалтын маягт 1-ийн дагуу)
- Боловсролын дипломын нотариатаар гэрчлүүлсэн хуулбар
- Монгол Улсын иргэний үнэмлэхний хуулбар /нотариатаар гэрчлүүлсэн байх/,
- Ажилласан жилийг тооцох Хөдөлмөрийн болон Нийгмийн даатгалын дэвтрийн эхний нүүр хуудсыг хөдөлмөрийн үйл ажиллагааны хөдөлгөөнийг баталгаажуулсан бусад хуудасны хуулбар, эх хувийн хамт /ажилласан жилийг тооцох тул хөдөлмөрийн үйл ажиллагаагаа хөдөлмөрийн болон нийгмийн даатгалын дэвтэрт бичигдсэн он, сар, өдрөөр нь нарийвчлан бичиж бэлтгэж ирэх/,
- Мэргэшүүлэх сургалтанд хамрагдсаныг гэрчлэх баримт бичгийн эх хувийг хуулбарын хамт;
- 4х6 хэмжээтэй 2 хувь цээж зураг,
- Цэргийн үүрэгтний үнэмлэх /1990 оны 05 дугаар сарын 06-ны өдрөөс өмнө төрсөн иргэнд хамаарахгүй/,
- Шалгалтын үйлчилгээний төлбөрийг аймгийн ЗДТГ-ын 190051433 тоот дансанд тушаасан баримт
Анхааруулга: Сонгон шалгаруулалтанд орох иргэн өөрийн биеэр ирж бүртгүүлэх ба тухайн ажлын байранд тавигдах шаардлагыг хангаагүй, дээр дурдсан бичиг баримтуудыг дутуу бүрдүүлсэн буюу хугацаа хоцорсон иргэнийг бүртгэхгүй болно.
Шалгалтын хуваарь
2016оны 03 дугаар сарын 07-ны өдөр шалгалтыг доорхи байдлаар зохион байгуулна.
– Ерөнхий мэдлэгийн түвшин тогтоох шалгалт,
– Ур чадварын түвшин тогтоох шалгалт /Ерөнхий мэдлэгийн түвшин тогтоох шалгалтад тэнцсэн иргэн өгнө/,
– Мэдлэг, хандлага, зан үйлийг тодорхойлох шалгалт /Ур чадварын түвшин тогтоох шалгалтад тэнцсэн иргэн өгнө/.
Шалгалт авах газар, хуваарийг бүртгүүлсэн иргэдийн тооноос хамааран 2016 оны 03 дугаар сарын 04-ний өдрийн18.00 цагт аймгийн Засаг даргын Тамгын газарт мэдээлнэ.
Төрийн жинхэнэ албаны мэргэшлийн шалгалт өгөх иргэд Иргэний үнэмлэхтэйгээ ирнэ.
Мэдээлэл лавлагаа
Мэргэшлийн шалгалттай холбоотой мэдээллийг Дархан-Уул аймгийн Засаг даргын Тамгын газрын 7037-3778, 99376480 дугаарын утас, аймгийн www.darkhan.gov.mn, Төрийн албаны зөвлөлийн www.csc.gov.mn вэб сайтаас тус тус авч болно.
Сул орон тооны дэлгэрэнгүй мэдээллийг энд дарж үзнэ үү.
