Өглөө.мн Шинэ өглөө, Шинэ мэдээлэл
Монгол дахь Ротаракт клубийн залуус нэгдэн өнгөрөгч бямба гараг буюу 2021.10.16-ны өдөр Богдхан уулын Арцатын аманд мод тарих Planting is new sexy хөдөлгөөнийг өрнүүлж нийт 300 гаруй мод тарьсан байна.
Тус хөдөлгөөний гол зорилго нь сүүлийн жилүүдэд цөлжилт нэмэгдэж Монгол улсын нутаг дэвсгэрийн 80 орчим хувь нь цөлжилтөд өртөөд байгаатай холбогдуулан өөрсдийн багахан ч гэсэн хувь нэмрийг оруулахаар мод тарих хөдөлгөөнийг олон нийтэд уриалан хэрэгжүүлсэн байна.
Тус хөдөлгөөнөөр ганц мод тариад зогсох биш цаашдын арчилгааг мөн хариуцан ажиллах болно гэдгээ мэдэгдсэн байгаа. Түүнчлэн уг хөдөлгөөнд Монголын Ротари, Интеракт залуус нэгдэн оролцож, цааш цаашдын мод тарих хөдөлгөөнийг дэмжин олон нийтийг уриалан оролцохоо мэдэгдсэн юм.
Planting is new sexy хөдөлгөөнийг дэмжин оролцсон, хандив өргөсөн Монголын 9, 10-р бүсийн захирагч нар, Ротари клубүүд, Интракт клубийн залуус болон “Зулзгана дөл” ХХК, “Super up хэтэвч” ХХК-ийн хамт олонд чин сэтгэлийн талархалаа илэрхийлж байна.
Олны хүч оломгүй далай гэсэн зүйр үг шиг жил бүрийн мод тарих өдрүүдэд уг хөдөлгөөнийг тасралтгүй хэрэгжүүлж байх тул ирээдүй хойч үедээ цэвэр агаар, эрүүл амьдралыг бэлэглэх хүсэлтэй хүн болгон нээлттэй оролцох боломжтой хэмээн уриаллаа.
