Өглөө.мн Шинэ өглөө, Шинэ мэдээлэл
Дөрвөн ч охины ээж болоод хувийн уран бүтээлээ хойш тавьсан дуучин Daisy өдгөө хөгжмийн аранжировшик хийж буй нөхрийнхөө ажилд туслах болсон. Хэлье гэснээ хэнээс ч нуулгүй хэлчихдэг дуучин бүсгүйн шударга зан зарим үед тун ч “хурц” байдлаар илэрдэг. Саяхан л гэхэд тэрбээр үзмэрч Б.Сарандаваатай “дайн” зарлаж, хандивын тоглолтыг нь хэрхэн сүйтгэсэн тухай ярьж явсан.
Тэгвэл дэггүй бүсгүй маань өмнө нь чамгүй голж байсан дуучин М.Нарагаа дахиад л голсон бололтой. Нэлээд хэдэн жилийн өмнө тэрбээр “Дурлал юу хүснэ вэ” дуугаа М.Нарад дуулуулахаар өгсөн ч цаадах нь олигтой дуулж чадаагүй тул арга буюу өөрөө дуулсан тухайгаа ярьсан байдаг. Харин одоо түүнийг улс төрд хөл тавих хүсэлтэй байгаагаа илэрхийлэхэд нь ихэд эгдүүцэж, өөрийгөө ч бас тэрнээс дутахааргүй улстөрч болно гэдгийг илэрхийлээд авчээ.
Энэ тухайгаа “Би ер нь сонгуульд дэвшихээр шийдлээ. Заавал СӨХ-ны дарга хийж байсан байх алба байна уу. Надад хүн чанар, амьдралын ухаан байна, өөр юу ч байхгүй. Гэхдээ би candy crash тоглож онигоотохгүй. Угаасаа дуучин болохоор дуулж муулж доошоо орохгүй. Машин тэргээрээ гайхуулж тэнэгтэхгүй. Зүгээр л чин сэтгэлээсээ байх тийм юм, юм үзсэн л толгой… Юмахнаар юм хийчихнэ. Нам бус, хэний ч хармаанд орохгүй, шударга л хусна. Шударга бус хүмүүстэй алалцана, яадаг юм үхсэн.Сонин нөхдүүд дэвших гээд байхад би ч гэсэн үзээд алдана аа, яадаг юм хог” хэмээн бичжээ.
