Жүжигчин П.Шүүдэрцэцэг бичин жилийн даатгалаа хийлгэжээ

Цагтаа загварын тайзнаа алхаж, эх орондоо төдийгүй олон улсад зохиогдсон тэмцээн уралдаануудад амжилттай оролцож, нэрээ гаргаж явсан загвар өмсөгч П.Шүүдэрцэцэг мэргэжлийн жүжигчин болсон. Сүүлийн хэдэн жилийн хугацаанд тэрээр “Ану хатан”, “Найзууд”, “9009” зэрэг тайз дэлгэцийн хэд хэдэн бүтээлд дүр бүтээж үзэгчдээс өндөр үнэлгээ авсан. Тэрээр сошиал ертөнцөд сельфичдийн эгнээг тэргүүлдэг. Энэ удаад буюу өчигдөр тохиосон цагаа сарын шинийн 15-ны билэгт сайн өдөр жүжигчин бүсгүй Гандантэгчилэн хийдэд очиж засал номоо хийлгэсэн байна. П.Шүүдэрцэцэг Гандангийн тагтаан дунд аз жаргалтай инээж байгаа зургаа ийнхүү өөрийн фейсбүүк хуудаснаа тавьсан ба жанрайсагийн өмнө нүдээ анин удаан гэгч нь зогсож нүгэлээ наминчилсан гэнэ. Өнгөрсөн жил найз залуутайгаа асуудалд орж цахим ертөнцөөр нэг шуугиан тарьж байсан тэрээр олны хэл аманд ч их өртсөн. Юутай ч олны анхаарлын төвд байдаг үзэсгэлэнт бүсгүй маань хонин жилийн хамаг нүгэлээ цайруулж бичин жилийг өнгөтэй эхэлж байгаа бололтой.