УИХ-д дүн тавих сонгогчдын нэгдсэн цуглаан өнөөдөр болно

Өнөөдөр 12 цаг буюу морин цагт Эвлэн мандуулах хүчнээс зохион байгуулах ‘’Улсын их хуралд дүн тавих сонгогчдын нэгдсэн цуглаан’’ Тусгаар тогтнолын талбайд / хуучнаар Эрх чөлөөний / болно. Энэ оны эхэнд ‘’Гал үндэстэн холбоо’’, ‘’Шинэ аравт’’, ‘’Аравтын төлөө’’ сонин, ‘’Босоо Хөх Монгол’’, ’’ Бие даагч иргэдийн холбоо’’, ‘’Нүүдэлчин түмний холбоо’’, ‘’Монгол тэнгэр үнэн’’, ‘’Монгол язгуур ухаан эрдмийн хүрээлэн’’, ‘’Монгол тулгатан’’ ТББ, ‘’Ноён уулаа аваръя’’ зэрэг иргэний хөдөлгөөнүүд нэгдэж, ’’Эвлэн мандах хүч’’ буюу ЭМХ-ийг байгуулжээ.

Шинээр үүссэн ЭМХ-ээс УИХ-д дүн тавих сонгочдын цуглааныг Тусгаар тотнолын талбайд зохион байгуулахаарэ зохих зөвшөөрлийг авч бэлтгэл ажлаа хангаад байна. Цуглаанд УИХ-ын дарга З.Энхболдыг урьж оролцуулахаар төлөвлөж байгаа бөгөөд УИХ-ын үйл ажиллагааны талаар тайлан тавиулж, иргэд сонгогчдын саналыг сонсох юм. Мөн цуглаааны үеэр УИХ-ын үйл ажиллагааны талаар сонгогчдын саналыг хурааж дүнг олон нийтэд танилцуулах юм.

Эвлэн мандуулах хүч хөдөлгөөнөөс өчигдөр УИХ-ын дарга З.Энхболдыг ‘’УИХ-д дүн тавих сонгогчдын нэгдсэн цуглаан’’-д хүрэлцэн ирэхийг урьсан албан бичгийг УИХ-ын Тамгын газрын дэд даргад гардуулан өгсөн. Цуглааны үеэр УИХ-ын үйл ажиллагаанд иргэд сонгогчид дүн тавьж үзэл бодлоо чөлөөтэй илэрхийлэх бөгөөд урлаг соёлын одод, дуучид, яруу найрагчид үгээ хэлж, эх орны сэдэвтэй ая дуугаа өргөх, яруу найргаа унших хүсэлтээ илэрхийлсээр байна. Мөн хэвлэл мэдээллийн байгууллагууд өргөн сурталчлахаа илэрхийлсэн юм .

Цуглааныг бүрэн эхээр нь ТМ телевиз орон даяар шууд дамжуулан мэдээлнэ.

Н.Сүрэн