Н.Батцэрэг “Шударга ёс” эвслийн бүлгийн даргаа өгөхөөр шийджээ

Саяхан УИХ-ын гишүүн Л.Цог, Г.Уянга нар УИХ дахь “Шударга ёс” эвслийн бүлгээс гарч байгаагаа мэдэгдсэн. Тэдний гаргасан шийдвэрийг тун удахгүй УИХ-ын даргад өргөн барих болсон талаар өчигдөр тус бүлгээс мэдээллэсэн. Л.Цог гишүүн бүлгээс гарч байгаа учир УИХ-ын дэд даргын суудлаа өгнө.

Тиймээс оронд нь хэнийг томилох талаар бүлгийн хурлаараа ярилцсан ч тодорхой шийдэлд хүрээгүй байна. УИХ дахь “Шударга ёс” эвслийн бүлгийн дарга Н.Батцэрэгийн хувьд УИХ-ын гишүүн, Засгийн газрын гишүүн. Эдгээр албан тушаалын ажиллах зарчим зөрүүтэй учраас бүлгийн даргын ажлаа өгөхөөр шийджээ. Энэ бүх асуудал ирэх пүрэв гаригийн хуралдааны үеэр тодорхой болох бололтой.

эх сурвалж:medee.mn