Playboy “Оны бүсгүйн” зургийг нийтэллээ

Эрчүүдийн алдарт сэтгүүл Playboy-г үндэслэгч Хью Хефнер тус сэтгүүлийн шалгаруулалтаар “Оны бүсгүйг” нэрлэсэн байна. Энэ удаа 31 настай, хар арьст модель Южина Вашингтон шалгарчээ. Шагнал гардуулах ёслолын ажиллагаа Хефнерийн Лос-Анжелес дахь эдлэнд явагдсан байна. Южина Fiat 124 Spider автомашин, 100 мянган доллар болон бусад үнэт бэлгүүдийг шагналд авсан аж.

Южина Вашингтон 1984 оны 10-р сарын 8-нд Өмнөд Каролинад төрсөн. Тэрээр 2006 онд America’s Next Top Model тэмцээнд дэд байр эзэлж байжээ. Америк бүсгүй нэг бус удаа дуу хөгжмийн клипэд тоглосон бөгөөд Irene Marie Models, Photogenics, Stellar Model Management, Elite Model Management зэрэг загварын агентлагуудтай хамтран ажиллаж байсан аж.

Южина Вашингтон анх 2015 оны өвөл Playboy-д зургаа авахуулсан байна. Алдарт эротик сэтгүүлийн оршин тогтнож буй 57 жилийн түүхэнд Южина гурав дахь хар арьст загвар өмсөгч болж байгаа гэнэ. Тэрээр Playboy сэтгүүл нүцгэн бүсгүйчүүдийн зургийг нийтлэхгүй байх тухай шийдвэр гаргахын өмнөхөн модель бүсгүй зургаа авахуулж амжсан байна.

Д.Мөрөн

Эх сурвалж: ZONE.MN