Н.Багабанди Л.Түдэв нарын илгээж буй мессэж

“Титэм үг” тэрлэсэн шигээ он цагийг элээх болсон экс Ерөнхийлөгч Н.Багабанди шиг амар тайван амьдарч буй хүн энэ улс төрийн тогоонд лав алга. Сонгуулийн жил солиорсон мэт давхиж буй нөхдөө ч үл анзааран эрхэм экс маань гурав дахь “Титэм үг” номоо гаргасан байна.

Яван чангарч буй түүний оюуны зиндааг илэрхийлсэн бүтээлийг шүүх нэр төртэй үүргийг зохиолч Л.Түдэв хүлээсэн аж. Оюун санааны гегант болсон эрхэм, суу билэгт уран сэтгэгч шахуу болчихоод буй эрхэм экс ерөнхийлөгч хоёр шаггүй сайн ном гаргасан биз гэж эхнээсээ л өндрөө авчихлаа.

Тэд чухам яагаад сонгуулийн жилийг, тодруулбал сонгуулийн үеийг онцлон номоо гаргав гэдэг нь бүтээлээсээ сонирхолтой асуулт болоод байна. Михайлд нэг бодол бий гэдэг шиг нэг л зүйл энэ цаг үеийнхэнд хэлэхийг хүсэж дээ тэд.

Эх сурвалж: Zuv songolt.mn