МАХН Ерөнхийлөгчийн сонгуульд хэрхэн оролцсоноо дүгнэнэ

   МАХН-ын Гүйцэтгэх товчоо хуралдахаар болсон байна. Тус хурлаар Монгол Улсын Ерөнхийлөгчийн сонгуулиар тус нам ямар үр дүнтэй оролцсон, алдаа оноо юу байсанаа хэлэлцэх аж.

УИХ-ын 2012 оны сонгуулиар 20 орчим хувийн ретингтэй байсан МАХН саяхныг хүртэл 17-18 хувийн тогтмол ретингтэй байна гэж намынхан нь мэдэгдэж байсан юм. Тэгвэл Ерөнхийлөгчийн сонгуулиар 6.5 хувийн санал авсан нь тааруу оролцлоо гэсэн байр суурийг ч илэрхийлсэн. Гүйцэтгэх товчоо Ерөнхийлөгчийн сонгуулийн дүнгийн талаар хэлэлцэхээс гадна цаашдын хийх ажлын төлөвлөгөөгөө боловсруулна гэсэн мэдээлэл байна.

Т.Түвшин

Ugluu.mn