Өглөө.мн Шинэ өглөө, Шинэ мэдээлэл
Улсын Их Хурлын 2016 оны ээлжит сонгуулийн 69-р тойрогт ( Баянгол дүүргийн 8,10,12,13,14,22-р хороо) бие даан нэр дэвшигч Мөнхтөрийн Нарантуяа бие даан нэр дэвшигчийн үнэмлэхээ хүлээн авлаа. Бие даан нэр дэвшигч Нарантуяа өөрийн цахим хуудсандаа үнэмлэхээ авсанд талархаж байна гэж бичжээ.
Өнөөдөр зуны дунд сарын шинийн гурваны билэгт сайн өдөр миний амьдралын хувьд ч гэсэн нэгэн шинэ хуудас нээсэн онцгой өдөр тохиож байна.
Тусгаар тогтносон, ардчилсан улсын эрх чөлөөт иргэний хувиар төрийн эрх барих дээд байгууллага Улсын Их Хурлын 2016 оны ээлжит сонгуулийн 69-р тойрогт бие даан нэр дэвшигчийн үнэмлэхээ хүлээж аваад байна.
Төр, түмний төлөө зүтгэх улс төрчийн ажил амаргүй гэдгийг би бүрэн ухамсарлаж байгаа.
Сонгогчдын итгэлийг авч Улсын Их Хурлын гишүүнээр болбол сонгогчдынхоо, нийт ард түмнийхээ, Монгол Улсынхаа төлөө шинээр сэтгэж, шударгаар, тууштай зүтгэх болно.
Өнөөг хүртэл үргэлж урам зориг эрч хүчээр зоригжуулан дэмжиж ирсэн та бүхнийхээ итгэлийг алдалгүй ямар ч бэрхшээлийг сэтгэлийн хаттайгаар даван туулж зорилгодоо хүрэхийг хичээх болноо. Та бүхэндээ чин сэтгэлээсээ талархаж байна.
