Принцийн гитарыг заржээ

Нэрт дуучин, хөгжимчин Принцийн шар өнгөтэй гитарыг дуудлага худалдаагаар зарсан талаар “www.dailymail.co.uk” мэдээллээ. Уг гитарыг Америк хөлбөмбөгийн “Indianapolis Colts” багийн эзэмшигч Жим Ирса худалдан авсан гэнэ. Ирса гитарыг 137.500 ам.доллароор худалдан авчээ. Принц уг гитарыг 1980-1990 оны хооронд болсон тоглолт болон клипний зураг авалттай ашиглаж байжээ.

Ирса хөгжмийн зэмсэг цуглуулах хоббитой аж. Түүнд Боб Дилан, Жон Леннон болон Жерри Гарсиа нарын хөгжмийн зэмсэг байдаг гэнэ. Тэрбээр өнгөрсөн арванхоёрдугаар сард “Битлз” хамтлагийн бөмбөрчин Ринго Старын бөмбөрийг 2.1 сая ам.доллароор худалдан авсан байна.

Эх сурвалж: Shuud.mn