“ЯГ ТҮҮН ШИГ”-ийн СУПЕР ялагч тодорлоо

Endemol Shine Group-ийн “Яг түүн шиг” шоу -г “Боловсрол суваг” телевиз албан ёсны эрхтэйгээр үзэгчдэдээ 5 дугаар сарын 08-наас эхлэн ням гариг бүрийн 20:00 цагт хүргэж байгаа билээ. Тус шоуны оролцогчид нь арван дугаарын турш монгол болон дэлхийд алдартай уран бүтээлчдийн дуу хоолой, үйл хөдлөлийг дуурайн өрсөлдөх дүрэмтэй. Харин тус шоу нэвтрүүлгийн хамгийн сүүлийн дугаар болж өнгөрлөө. Өнгөрсөн долоо хоногийн 9 дэх дугаараар харамсалтай нь С.Сарнай болон Н.Мөнхсоёл хасагдсан бөгөөд хамгийн сүүлийн ялагчид 6 оролцогч өрсөлдөж, шилдэгийн шилдэг ялагч тодорлоо. Өнөөдрийн үзүүлбэрээр:

1. Б.Маралжингоо – Beyonce /6845 мессеж санал/
2. Э.Энхзол – Alicia Keys /6983 мессеж санал/
3. Б.Амархүү – Michael Jackson /29513 мессеж санал/
4. Л.Ган-Эрдэнэ – Luciano Pavarotti /8846 мессеж санал/
5. Э.Энхболд – “Хар тас” хамтлагийн Марка /3230 мессеж санал/
6. П.Баярцэнгэл – Bruno Mars /41369 мессеж санал/  /нарын дүрд хувирлаа.

Ингээд энэхүү нэвтрүүлгийн супер ялагчаар П.Баярцэнгэл тодорлоо.

Мөн нийт 5 дугаарын ялагч болсон Б.Амархүү үзэгчдийн таашаалд нийцсэн оролцогчоор шалгарч, шүүгчдийн нэрэмжит шагнал болох 3 сая төгрөгийн шагнал хүртлээ.

эх сурвалж: unuudur.mn