Өглөө.мн Шинэ өглөө, Шинэ мэдээлэл
Өнгөрсөн мягмар гарагт гурван баллистик пуужин харавсан нь Өмнөд Солонгосын нутаг дахь АНУ-ын объектуудад цөмийн цохилт өгөх бэлтгэл боллоо гэжСолонгосын төв цахилгаан мэдээний агентлаг мэдээлжээ.
Ийнхүү туршилтын харвалт хийх үеэр “баллистик пуужингийн цөмийн цэнэгт хошуунд суурилуулсан дэлбэрэх төхөөрөмжийн үзүүлэлт болон байны дээрх тодорхой өндөрт түүнийг дэлбэлэх үйлдлийг шалгасан юм” гэж мэдээлж байна.
Өмнөд Солонгосын олон нийтийн мэдээллийн хэрэгслүүдийн уламжилснаар, “америкийн цөмийн хэрэгслүүд байдаг Өмнөд Солонгос дахь объектуудад өрсөж цохилт өгөх” нь пуужин харавсны зорилго байсныг БНАСАУ-ын радио мэдээлжээ.
БНАСАУгурван баллистик пуужин туршилтын журмаар харавсныг Өмнөд Солонгосын штабуудын дарга нарын нэгдсэн хороо мягмар гарагт мэдээлсэн юм. Харавсан пуужингууд Япон тэнгисийн зүг 600 орчим километр нисч, ингэхдээ пуужингийн нислэгийн ийм алслал нь Өмнөд Солонгосын аль ч цэгт хүрэхэд хангалттайг онцлон тэмдэглэжээ.
БНАСАУ баллистик пуужин дахин харавсан ньНҮБ-ын Аюулгүйн Зөвлөлийн хэд хэдэн тогтоолын дагуу хүлээсэн олон улсын үүргийг илт зөрчиж байгаа хэрэг юм гэж Европын холбоо мэдэгдсэн байна.
эх сурвалж: bataar.mn
