Өглөө.мн Шинэ өглөө, Шинэ мэдээлэл
MAH -ын Удирдах зөвлөл өчигдөр 11:00 цагт хуралдаж, дөрвөн яамны сайдыг тодруулна гэж төлөвлөсөн ч хуралдсангүй.
Уг нь Ерөнхий сайд Ж.Эрдэнэбат Барилга, хот байгуулалтын сайдад Г.Өнөрболор, Эрчим хүчний сайдад Ц.Цэнгэл, Эрүүл мэндийн сайдад Ж.Цолмон, Хүнс, хөдөө аж ахуй, хөнгөн үйлдвэрийн сайдад Ц.Анандбазар нарыг нэр дэвшүүлэхээр зэхээд байсан ч АТГ-аас дээрх нэр дэвшигчтэй холбоотой албан бичиг ирүүлснээр түдгэлзүүлсэн юм.
Хэдийгээр МАН-ын Удирдах зөвлөл хуралдаагүй ч дөрвөн сайдад хэнийг нэр дэвшүүлэх асуудал яригдаад эхэлжээ.
Тодруулбал, Эрүүл мэндийн сайдад Хавдар судлалын үндэсний төвийн захирал Л.Төмөрбаатар, Хүнс хөдөө аж ахуй, хөнгөн үйлдвэрийн сайдад дэд сайд асан Ж.Сауле, Эрчим хүчний сайдад МАН-ын нарийн бичгийн дарга Т.Гантулга, Барилга, хот байгуулалтын сайдад УИХ-ын гишүүн Д.Цогтбаатар нарын нэр яригдаж байгаа юм байна.
Мөн Эрүүл мэндийн сайдад Ж.Цолмонг дахин дэвшүүлнэ гэх мэдээллийг ч эх сурвалжууд хэлж байгаа. Ямартай ч МАН энэ удаад дөрвөн сайдаа бүгдийг нь парламентын гаднаас санал болгоно гэх мэдээлэл байна.
