Өглөө.мн Шинэ өглөө, Шинэ мэдээлэл
МАН-ын томилгоо Төрийн албаны тухай хуулийг зөрчиж байгааг АН шүүмжилж байгаа. Иймээс зарим яамны Төрийн нарийн бичгийн дарга /ТНБД/-ын томилгоог сонгон шалгаруулахаар болсон гэсэн яриа тус намын дотроос гарч байв.
Тэгвэл Засгийн газраас Гадаад харилцааны яам, Хууль зүй, дотоод хэргийн яам, Хүнс, хөдөө аж ахуй, хөнгөн үйлдвэрийн яам, Хөдөлмөр, нийгмийн хамгааллын яам, Уул уурхай, хүнд үйлдвэрийн яам, Эрүүл мэндийн яамны Төрийн нарийн бичгийн даргын албан тушаалд томилогдох удирдах ажилтны ажлын байрыг нийтэд, нээлтгэй зарлах захиалгыг Төрийн албаны зөвлөлд өнгөрсөн баасан гаригт ирүүлжээ.
Гэхдээ сонгон шалгаруулалт шударга болно гэдэг нь эргэлзээтэй байна. Учир нь МАН-ын Удирдах зөвлөлөөс томилгоог нууцаар тодруулж эхэлсэн. Төрийн нарийн бичгийн даргын суудлыг 500 саяас нэг тэрбум хүртэл үнэлж байгаа гэсэн яриа улс төрийн хүрээнд дуулдаж, хэвлэлүүд дурдаад эхэлжээ.
