Ерөнхий сайдын мэдээлэлтэй холбогдуулан АН-ынхан дахиад мэдээлэл хийхээр болжээ

Өнөөдөр 10:30 цагаас УИХ дахь Ардчилсан намын бүлгээс мэдээлэл хийхээр болжээ. Сангийн сайд Б.Чойжилсүрэнгийн улс орны эдийн засаг хямарсан хэмээх мэдээллийн дараа АН-ын З.Энхболд, Э.Бат-Үүл нар мэдээлэл хийж, намаа болон өөрсдийгөө хамгаалсан мэдэгдлүүдийг хийж байсан билээ. Тэгвэл өчигдөр Ерөнхий сайд Ж.Эрдэнэбат болон Сангийн сайд Б.Чойжилсүрэн нар мэдээлэл хийж, өмнөх Засгийн газрын үед хэрэгжүүлсэн алдаатай бодлого, мөнгө хэвлэлтийн улмаас төгрөгийн ханш суларч, валютын ханш чангарч, эдийн засаг хямарч, улс орны мөнгө санхүү шавхагдсан байгааг дуулгасан юм. Үүнтэй холбоотойгоор, өнөөдөр УИХ дахь АН-ын бүлгээс өөрсдийгөө хамгаалах, энэ их хямрал Засгийн газрын үеэс эхлэлтэй гэдгийг няцаах гэсэн нэг ёсондоо “арьс”-аа хамгаалах, ард түмэнд таалагдах гэсэн мэдэгдэл хийхээр болжээ.

Нинж