АН-ын ҮЗХ-ны хурал ээлжит бус чуулганаас болж хойшиллоо

Өнөөдөр Ардчилсан намын Үндэсний зөвлөлдөх хорооны хурал болох байсан. Гэсэн ч УИХ-ын ээлжит бус чуулгантай холбоотойгоор хойшлуулсан байна. Шалтгааныг нь АН-ын Хэрэг эрхлэх газраас мэдэгдэхдээ “Ард иргэдийн ахуй амьдралд ноцтой нөлөөлөх олон шийдвэр гаргахаар УИХ-ын ээлжит бус чуулган хуралдах гэж байна. Иймд наймдугаар сарын 25-нд болох АН-ын ҮЗХ тодорхойгүй хугацаагаар хойшиллоо” гэсэн юм. Тэгэхээр дотоод асуудлаа шийдэж чадаагүй АН гадагш санаа тавьж, тэндээс ямар шийдвэр гарсантай холбогдуулан дотоод асуудлаа шийдвэрлэхээр болж байх шиг байна.