ОХУ-ын кино наадам өнөөдөр нээлтээ хийнэ

ОХУ-ын уран сайхны ба баримтад киноны наадам тохиож байгаатай холбогдуулан ЭСЯ, мөн тус улсын нэрт кино жүжигчид мэдээлэл хийлээ. Тус кино наадам зургаа дахь жилдээ зохион байгуулагдаж байгаа бөгөөд олон улсын кино наадмаас байр эзэлсэн шилдэг киноноос гадна нийтийн хүртээл болсон кино оролцох юм байна.

Мөн шинэ залуу жүжигчид, найруулагч, уран бүтээлчдийн хийсэн кино түлхүү орж байгаа гэдгээрээ онцлогтой юм. Кино наадам өнөөдөр буюу 10 дугаар сарын 27-ны 17:00 цагт Оросын Шинжлэх ухаан, соёлын төвд нээлтээ хийх бөгөөд ирэх сарын нэгэн хүртэл үргэлжлэх аж.

Э.Золзаяа