Өглөө.мн Шинэ өглөө, Шинэ мэдээлэл
ҮХААЯ-наас ургац хураалтын талаар өчигдөр мэдээллээ. Ургац хураалтад нийт 1100 гаруй үр тариа хураах комбайн, 570 гаруй жатга, 220 гаруй үтрэм, 670 гаруй үтрэмийн техник, 120 гаруй төмс ухагч, төмс хураах комбайн ажиллах гэнэ. Эдгээрийн бэлэн байдал одоогоор 85 хувьтай байна.
Наймдугаар сарын 20-ны байдлаар үр тарианы таримлын 80 орчим хувь нь аарцан болцтой, үлдсэн 20 хувь нь сүүн болцын сүүлч үедээ ороод байгаа аж. Харин төмс, хүнсний ногооны түүвэр хураалт болон эртийн ургац хураалт үргэлжилж байгаа юм. Энэ жил нийт 402 мянган га-гаас ургац хурааж авна хэмээн албаны хүмүүс мэдээллээ.
