Шөнийн тээвэр ирэх сарын 11-ээс цаашаа үргэлжлэх эсэх нь шийдэгдэнэ

 “Цахилгаан тээвэр” компаниас “Эко шөнийн тээвэр” төслийг Улаанбаатар хотноо туршилтын шугамаар өнгөрсөн сарын 11-нээс шөнийн тээврийг явуулж эхэлсэн.

Эл төслийн хүрээнд “Тролейбус-3”-ийн III-IV хороолол БММЗ, “Тро­лейбус-2”-ын Ханын ма­те­­риал-Офицеруудын ордон маршрутаар дөрвөн тролейбус шөнийн тээвэрт гарч байна. Одоогоор III, IV хороолол орчмын замыг хаасан учраас “Тролейбус-3” чиглэлийн автобусаа зогссон. Харин “Тролейбус-2” буюу Ханын материал-Офицеруудын ордны чиг­лэлд иргэдэд үйлчилж байна.

 Туршилтаар явж буй тролейбус нь шөнийн 23 цагаас үүрийн 05 цаг хүртэл явдаг бөгөөд том хүн 1000, хүүхэд 500 төгрөгөөр зорчино. Туршилтын хуга­цаа ирэх есдүгээр сарын 11-нд дуусгавар болох бөгөөд цааш үргэлжлэх эсэхийг хотын захиргаанаас шийдэх юм байна. 

Ugluu.mn