Өглөө.мн Шинэ өглөө, Шинэ мэдээлэл
Хойд Солонгосын Цагдаагийн Ерөнхий газрын дарга Чуй Ил Бу тэргүүтэй төлөөлөгчид Монгол улсад ажлын айлчлал хийхээр Пёнгянг хотоос хөдөллөө гэж өчигдөр тус улсын Чусон мэдээллийн агентлагаас мэдээллээ.
Монгол улсын Хууль Зүйн Яамны сайд Х.Тэмүүжин өнгөрсөн оны 11 сард Пёнгянг хотноо хүрэлцэн очиж тухайн үеийн Цагдаагийн Ерөнхий газрын дарга байсан Ли Мёнг Сүтэй уулзан , Хойд Солонгосоос гарч Хятад улсаар дамжин Өмнөд Солонгос улсыг зорих Хойд Солонгосын дүрвэгчдийн зарим хэсэг нь Хятад -Монгол улсын хооронд дох улсын хилийг хууль бусаар давах чиглэлийг ашиглаж байгааг хэлэлцэж , үүнийг таслан зогсоох талаар харилцан тохиролцсон ажээ.
Тиймээс энэ удаагийн Хойд Солонгосын Цагдаагийн Ерөнхий газрын даргын Монгол улсад хийж буй айлчлал нь дээрх дүрвэгчдийн асуудлаар хийгдэж байгаа гэж үзэж байгаа боловч түүний айлчлалын зорилго одоогоор тодорхой бус байгаа юм байна.
эх сурвалж: mglradio.com
