Ж.Ганбаатар: ДНБ өсөх өндөр ач холбогдолтой хууль батлагдлаа

  Хууль санаачлагч Ж.Ганбаатар энэ талаар тайлбарлахдаа “Миний бие УИХ-ын ЖДҮ-ийн хөгжлийн дэд хорооны даргын хувьд өргөн барьсан ЖДҮ-ийн үйлдвэрлэлийн зориулалт бүхий тоног төхөөрөмж, сэлбэг хэрэгслийг Гаалийн албан татвараас чөлөөлөх тухай хуулийн хугацааг 2018 он хүртэл сунгалаа. Энэхүү хууль батлагдсанаар ЖДҮ-т өрсөлдөөнийг бий болгож, экспортын чадавхийг дээшлүүлэх, ажлын байрыг нэмэгдүүлэх, дотоодын нийт бүтээгдэхүүнийг өсгөх гэх мэтчилэн олон талын ач холбогдолтой.

Хуулийн хэрэгжиж эхлэх хугацаа нь энэ оны 3-р сарын 1-ний өдрөөс эхлэх юм. Харин 2017 оны 1-р сарын 1-ний өдрөөс 2017 оны 3-р сарын 1-ний өдөр хүртэлх хугацаанд гаалийн албан татварын чөлөөлтөд хамрагдах бараанд ноогдуулсан татварыг аж ахуйн нэгж, иргэнд буцаан олгохоор зохицуулжээ. Дээрх хуулийн төсөлд өөрчлөлт орсноор жижиг дунд бизнес эрхлэгчдийн бизнесийг дэмжих, хууль эрх зүйн орчин бүрдэж байна гэж хууль санаачлагчид онцолж байна.