С.Эрдэнэ Л.Гансүхийн асуудлаар прокурорт хандана

 Улсын их хурал дахь Ардчилсан намын бүлгийн хуралдаан өнөөдөр боллоо. Тус хуралдаанаар Ардчилсан намын  бүлгийн дарга С.Эрдэнэ “Бид  УИХ-ын гишүүн асан Л.Гансүхийн асуудлыг хэлэлцлээ. Түүний өмгөөлөгчөөр дамжин АН-ын бүлэгт захидал ирсэн. Уг захидалд Л.Гансүхийн хоригдох хугацаа дууссан, өр төлбөрөө барагдуулсан, гурван удаа прокурорт хандсан ч хоёр удаа буцсан байгаа юм байна. Гэр бүлийн хүн нь хүнд өвчтэй байгаа зэрэг олон шалтгааныг дурдсан байгаа. Бид бүлэг дээр ярьж бүлгийн гишүүд УИХ-ын гишүүнийхээ хувиар гарын үсэг зурж Улсын ерөнхий прокурорт хүсэлт хүргүүлэх шийдвэр гаргасан. Бүлгийн улс төрийн албан ёсны байр суурийг одоогоор илэрхийлэх боломжгүй гэж үзээд бүлгийн гишүүдийнхээ хувиар Ерөнхий прокурорт хандахаар боллоо” гэсэн юм.

Г.Нараа