Өглөө.мн Шинэ өглөө, Шинэ мэдээлэл
Өнөө өглөө 08:20 цагийн орчимд Хан-Уул дүүргийн нутаг дэвсгэр буюу Яармагийн гүүрнээс холгүй замд “Яармаг-Багшийн дээд” чиглэлийн автобус замын хажуу руу унах дөхөж, осолджээ.
Автобус дүүрэн зорчигчтой явсан ч азаар хүний амь нас эрсдээгүй байна. Харин автобусны хазайсан тал буюу хаалган талд сууж байсан зарим зорчигчдын хөл, гар дарагдаж бэртэн, эмнэлэгт хүргэгдсэн аж.
Ослын үеэр зорчигчид автобусны хаалгаар гарвал автобус хөмрөх аюултай байсан тул зорчигчдыг цонхоор гаргасан байна. Тус хэргийг Хан-Уул дүүргийн Замын цагдаагийн газарт үргэлжлүүлэн шалгах ажээ.
Г.Сонор ugluu.mn
