Ерөнхий сайдад эрүүгийн хэрэг үүсгэх эсэхийг прокурор өнөөдөр шийднэ

МАН-аас өнгөрсөн сарын 30-нд Ерөнхий сайд Н.Алтанхуягыг АТГ-аар шалгуулах өргөдөл хүргүүлсэн. Тухайн үед АТГ-ын Мөрдөн шалгах хэлтсийнхэн “Гэмт хэргийн шинжтэй гомдол мэдээллийг хүлээн авснаас хойш 19 хоногийн хугацаанд нягталж, хариу өгөх журамтай” хэмээн тайлбарлаж байсан.

Тэгвэл энэ хугацаа дууссан бөгөөд хэрхэн шийдвэрлэхээр болсныг АТГ-ынхнаас лавлахад “Гомдол мэдээллийг хүлээн авснаас хойш тодорхой хугацаанд нягталсан. Өчигдөр шалгасан материалуудаа прокурорын байгууллагад танилцуулсан. Прокурор өнөөдөр шийдвэрээ гаргах байх” гэсэн юм.

Хэргийг эргэн сануулахад МАН-аас Ерөнхий сайд Н.Алтанхуягийг Төрийн өмчит Эрдэнэс Тавантолгой компанийн тендерт дүүгээ оролцуулж, ашиг сонирхолын зөрчилтэй үйлдэл гаргасан хэмээн үзэж АТГ-т хандсан юм.

Д.Гэгээ Ugluu.mn