Өглөө.мн Шинэ өглөө, Шинэ мэдээлэл
Налайхын бичил уурхайн аюулгүй байдлыг хангах үүднээс энэ сарын 20-ны өдрөөс эхлүүлэн уурхайн амуудыг түр хааж, нүүрс олборлолтыг зогсоохоор боллоо. Өвлийн улиралд газар хөлдүү байх үед нүүрс олборлох нь харьцангуй аюул багатай ч хавар газар гэсэх үед уурхайн гүнд нуралт үүсэх магадлал өндөр байдаг аж. Тиймээс жил бүрийн гуравдугаар сараас арваннэгдүгээр сар хүртэл нүүрс олборлохыг хориглодог. Одоогоор тус дүүрэгт есөн компани гэрээний дагуу нүүрс олборлож байгаа юм байна. Тэдгээр компани хувь хүмүүстэй гэрээ байгуулан аюулгүй байдал, хөдөлмөр хамгааллын асуудлыг хариуцан ажилладаг юм байна.
