Өглөө.мн Шинэ өглөө, Шинэ мэдээлэл
Нийслэлийн Ардчилсан намын даргын өрсөлдөөнд УИХ-ын гишүүн асан Ш.Түвдэндорж нэрээ дэвшүүлэхээр болжээ.
Түүний өмнө Сүхбаатар дүүргийн АН-ын дарга, НИТХ-ын дарга асан Д.Баттулга нийслэлийн АН-ын даргад өрсөлдөхөөр бүртгүүлээд байсан юм.
Ардчилсан намын Дотоод сонгуульд нэр дэвшигчдийг бүртгэх бүртгэлийн ажиллагаа өчигдөр 16:00 цагт дуусгавар болох байсан ч хоёр өдрөөр буюу ирэх лхагва гараг хүртэл сунгахаар албан ёсны тогтоол гарсан юм. Түүнчлэн нийслэлийн АН-ын даргад нэр дэвшигчийн сонгуулийн хураамж 90 сая төгрөг бөгөөд ирэх дөрөвдүгээр сарын 2-нд АН-ын Дотоод сонгуулийн санал хураалт орон даяар явагдах юм байна.
