Өглөө.мн Шинэ өглөө, Шинэ мэдээлэл
Казахстан улсын залуу дуучин Димаш Күдайберген Хятадын Хунань телевизээс зохион байгуулсан “Дуучин” /Singer/ хэмээх реалити шоунд оролцон Хятад даяар шуугиан тарилаа. Царайлаг төрсөн тэрээр сайн хоолойгоо Хятад түмэнд гайхуулсан төдийгүй Хятадын цуутай дуучдыг ч шагшруулж орхисон билээ.
Димаш Күдайберген 1994 оны 5 дугаар сарын 24-ний өдөр төржээ. Аав ээж нь Казахстан улсдаа нэр төртэй уран бүтээлч хүмүүс байсны улмаар Димаш хар багаасаа урлагийн нөлөөг хүртэж, 6 настайдаа Казахстан улсын “Айналайын” төгөлдөр хуурын тэмцээнд ялагчаар тодрон од болох замаа эхлүүлсэн байна. 2010 оноос 2015 онуудад тэрээр Казахстан улсынхаа залуу дуучдын олон олон тэмцээн наадмаас алдрын дээдийг хүртэж явсан бол 2017 оны 1 дүгээр сард Хятадын “Дуучин” шоунд уригдан оролцож, Хятадын нэр төртэй дуучдыг дагжуулж чадсан билээ. Ялангуяа “Дуучин” шоуны II удаагийн шалгаруулалтад ОХУ-ын алдарт дуучин Витас буюу Виталий Владасович Грачёвын “Opera2” дууг дуулж, ялагчийн индэрт бат зогссон байна.
solongonews.mn
