Эрдэнэзуу хийдийн хамба лам Х.Баасансүрэнгийн “Зүрхийг тань дайлье” лекц боллоо

Налайх дүүргийн Иргэдийн Төлөөлөгчдийн Хурлын санаачилгаар Эрдэнэзуу хийдийн хамба лам Х.Баасансүрэн “Зүрхийг тань дайлья” лекц 2017 оны 03 сарын 29-ний өдөр  Налайх дүүргийн Соёл урлагийн ордонд боллоо.

Тэрээр сургаальдаа “Зарим хэрэгт өвс мэт бөхөлз

 Зарим хэрэгт гал мэт дүрэлз

 Зарим хэрэгт боол мэт гүй

 Зарим хэрэгт уул мэт суу！

Байхгүй зүйлээрээ дутахын гачлан

Байгаа зүйлээ голохын гаслан

Хүссэндээ хүрсэн ч уйдахын зовлон

Ховдог сэтгэлийн түмэн тарчлан

Залруулж болох тохиол аваас

Уурлаж ундууцахын хэрэг юун

Залруулж болшгүй тавилан болвоос

Уурлаж ундууцаад ч нэмэр юун

Зовоосон нь тэрний буруу юм гэхэд

Зовсон нь чиний зөв юмуу

Зовохоо харин чи больчихвол

Зовоож чамайг чадах болов уу тэр

Хэрэв бусдын сайн сайхнаас

Баяр баясгаланг амталж сурвал

Хэзээд өөрийн чинь жаргал дундрахгүй

Энэ хойтдоо цэнгэх болно

Намайг муушайх нэгэн байхад

Магтаалд онгирохын хэрэг юун

Намайг магтах нэгэн байхад

Муушайлд гутахын хэрэг юун

Сэтгэл юуруу урсна

Түүнтэйгээ адилхан болно

Юу өгнө

Түүнийгээ л авна” хэмээн айлдав.

НАЛАЙХ ДҮҮРГИЙН ИРГЭДИЙН ТӨЛӨӨЛӨГЧДИЙН ХУРАЛ