Өглөө.мн Шинэ өглөө, Шинэ мэдээлэл
Монгол Улсын Ерөнхийлөгчийн сонгуульд Ардчилсан намаас найман хүн нэр дэвшихээр яригдаж байсан ч зургаан хүн нэр дэвшихээ илэрхийлж, албан ёсоор бүртгүүллээ. АН-ын зүгээс Ерөнхийлөгчид нэр дэвших хүмүүсээ тодруулахаар өнөөдөр 09:00-13:40 цагийн хооронд бүртгэлээ явуулж дууссан юм.
Тэгвэл заасан хугацаанд АН-ын гишүүн, УИХ-ын гишүүн Л.Болд, УИХ-ын гишүүн асан Р.Амаржаргал, Х.Баттулга, Н.Алтанхуяг, Д.Дорлигжав, Б.Жаргалсайхан нар бүртгүүллээ. Харин нэр дэвшихээ албан бусаар илэрхийлж байсан Хотын дарга асан Э.Бат-Үүл, нийтлэлч Баабар нар бүртгүүлсэнгүй.
Тиймээс албан ёсоор бүртгүүлсэн зургаан нэр дэвшигчийн дотор АН-ыг төлөөлж Ерөнхийлөгчид нэр дэвших өрсөлдөөн өрнөх юм. Дашрамд дурдахад, АН ялагчаа нийт гишүүдийнхээ санал асуулгаар тодруулна гэдгээ мэдэгдээд буй.
