11 иргэнд 201 сая гаруй төгрөгийн нөхөн олговор олгоно

 Нийслэл хотын захирагч Э.Бат-Үүлийн 2013 оны 09-р сарын 03-ны өдрийн захирамжийн дагуу  Чингэлтэй, Сонгинохайрхан дүүргийн нутагт барьж буй замын трасст орсон айлуудад нөхөн олговор олгохоор болжээ.

Нөхөн олговор болох 11 иргэний 201 сая /хоёр зуун нэг сая/ гаруй төгрөгийг энэ оны газар чөлөөлөх, нөхөх олговрын төсвөөс гаргаж өгөхөөр болсон байна. Дээрхи айлууд нь “Хүчит шонхор” захын уулзвараас Хувьсгалчдын гудамж 1.7 км авто зам, Дунд гол үйлдвэрийн гудамж, 19 дүгээр хорооллын ард барих 4.6 км авто зам, Сонгинохайрхан дүүргийн 3, 26 дугаар хорооны нутаг дэвсгэрт хийж буй Буяны таван км авто замын трасст орсон иргэд ажээ.

Л.Бадрах ugluu.mn