Хамар П.Шүүдрээд Темпо нялхадна

  “Mixx” хамтлагийн дуучин Темпог  жүжигчин, П.Шүүдэрцэцэгтэй холбоотой гэх мэдээлэл өмнө нь гарч байсан ч  тэд өөрсдийн харилцаагаа “зүгээр л найзууд” гэж тайлбарладаг байсан. Гэтэл тэд нэг л өдөр хосууд болсноо албан ёсоор хүлээн зөвшөөрсөн байна.

Тэд үерхэж байгаа гэдгээ фэйсбүүк хуудастаа зарлаж, хамтдаа авахуулсан зургаа тавьж олон нийтэд мэдэгдсэн юм. Харин мисс бүсгүйн үнэнч шүтэн бишрэгч залуус “ Темпо Шүүдрээд тохирохгүй жаахан хүүхэд, Шүүдрээ нусаа арчиж чадахгүй жаахан бацаан сонголоо” хэмээн комментоор булж байна. Хүн хүнээ хайрлахад юу нь буруу гэж… Нас гэдэг бол зүгээр л тоо. Ингээд олны танил хосуудын тоог нэгээр нэмэгдэж байна.

Сүүлд цээж нүцгэн зургаа фэйсбүүк хуудастаа тавьж, олны хэл аманд багагүй өртөн, “хэрүүлч” гэх нэрийг хүртээд байсан П.Шүүдэрцэцэг маань Темпотой үерхэж эхэлснээсээ хойш нилээн даруухан болсон сурагтай байна.