Өглөө.мн Шинэ өглөө, Шинэ мэдээлэл
Владимир Владимирович Путин 1952 оны 10 сарын 7-нд Ленинград хотод төржээ. Түүний ээж Мария Ивановна Путина үйлдвэрийн ажилчин байв.
Харин эцэг Владимир Спиридонович Путин 1930 оны үед шумбагч онгоцны усан цэрэг байж Дэлхийн 2-р дайн үед НКВД-ийн тагнуулын хорлон сүйтгэх тасагт ажиллаж байжээ. Ленинградын бүслэлтэд тулалдаж байсан эцэг нь Путины бахархалт шүтээн юм. Дайны дараа Ленинградын Егоровын нэрэмжит Вагон үйлдвэрлэх газарт ажилласан байна.
Путин Ленинградын нийтийн байранд өсөж торнисон бөгөөд хүүхэд байхын л тагнуулч болохыг мөрөөддөг байжээ. Тэрээр хоёр ахтай байсан бөгөөд нэг нь нярай байхдаа нас барсан, нөгөө нь Ленинградын бүслэлтийн үед өвчний улмаас хорвоог орхиж байжээ.Тэр ерөнхий боловсролын сургуулийн 9-р ангид сурч байхдаа ЗХУ-ын Улсыг Аюулаас Хамгаалах Хороонд (КГБ) бие даан хандаж, тагнуулч болох хүсэлтэй гэдгээ илэрхийлсэн байна. Тухайн үед түүнийг хуулийн боловсролтой болохыг зөвлөжээ. Мэдээж хэрэг түүний тагнуулч болох хүсэл мөрөөдөлд хамгийн том нөлөө үзүүлсэн хүн бол эцэг нь байсан юм.
Путин сурагч байхдаа бокс, самбо, жүдо бөхөөр хичээллэдэг байв. 1970 онд тэр Ленинградын улсын их сургуулийн хуулийн тэнхимд элсэн оржээ. Хууль, эрх зүй, герман хэл судалсан хэдий ч спортоо орхисонгүй шамдан хичээллэсээр л байлаа.
1975 онд их сургуулиа төгсөхөд нь түүнийг ЗХУ-ын Улсыг Аюулаас Хамгаалах Хороонд хуваарилсан байна. Дараа жил нь тэр Ленинградын жүдо бөхийн аварга болжээ.
Үргэлжлэлийг энд дарж уншина уу
