Өглөө.мн Шинэ өглөө, Шинэ мэдээлэл
Дуучин Д.Лхагва гийн найруулсан “Дурлалын гэмт хэрэг” киноны гол дүрийг бүтээсэн залуу жүжигчин Г.Ариунболор Герман улсад жүжигчний мэргэжил эзэмшсэн нэгэн билээ. Тэрбээр 10 настайгаас Германд амьдарч ахлах сургуулиа дүүргэн 2008 онд Берлин хотын кино драмын сургуульд элсэн оржээ. Ингээд хамгийн анх 2010 онд “Франкфуртын хувь тавилан” киноны гол дүрд тоглосноор Германы үзэгчдэд танил болсон юм.
2008 онд Берлиний кино драмын ангид элсэхдээ Монгол дуу дуулж, шалгалтдаа тэнцсэн түүхтэй. Түүнээс хойш эх орондоо хүрэлцэн ирж өөрийн ур чадвар авьяасаа батлан харуулсан байдаг. Өдгөө Г.Ариунболор Швейцарын нэгэн нисэхийн компанийн нүүр царай болж, цөөнгүй кинонд дүр бүтээжээ. Г.Ариунболор ирээдүйд найруулагч болж, өөрөө кино бүтээхийг мөрөөддөг гэнэ.
