Өглөө.мн Шинэ өглөө, Шинэ мэдээлэл
Хойд Солонгос улс устөрөгчийн бөмбөгийг амжилттай туршсаныг зарлалаа. Устөрөгчийн бөмбөгөө шинээр бүтээх баллистик пуужингийн хошуу болгон ашиглахаар болжээ. Энэ тухай өчигдөр Хойд Солонгосын төв телевизийн суваг мэдээллээ. Устөрөгчийн бөмбөг боловсруулах ажлыг Ким Жен Ун өөрөө удирдаж ажиллажээ. Устөрөгчийн бөмбөгийг амжилттай туршсан нь цөмийн хөтөлбөрийг хэрэгжүүлэхэд чухал алхам болсон гэж Хойд солонгосын төв телевиз онцолжээ.
Устөрөгчийн бөмбөг туршилтын үеэр хоёр ч удаа газар хөдөлсөн нь бүртгэгджээ. Эхний удаад 4,6 дараагийн удаа 6,3 магнитудын хүчтэй байв. Тус газар хөдлөлт нь Хойд Солонгосын Пхунген нутгаас мэдрэгдсэн аж.
