Өглөө.мн Шинэ өглөө, Шинэ мэдээлэл
УИХ-ын гишүүн Д.Гантулгыг тойрсон дуулиан үргэлжилж байна. Тухайлбал хохирогчийн эгч Ч.Саранзаяа “Мэдээ.мн” сайтад өгсөн ярилцлагад Д.Гантулгын хүчингийн хэргийн талаар кино хийж буй талаар мэдээлжээ. Тэрбээр кино зохиол талдаа орсон байгаа, зохиол бэлэн болонгуут шууд зургандаа орох төлөвлөгөөтэй байна. Киног хийх тухай хохирогч дүүтэйгээ удаан хугацаанд ярилцаж байж шийдсэн хэмээн ярьжээ.
Тэгвэл загвар өмсөгч, жүжигчин УИХ-ын гишүүн Д. Гантулгын дүрд тоглох хүсэлтэй байгаагаа цахим хуудсанаа бичжээ.
Тэрбээр “Би тэр Саранзаяа гээд “бандааш”-ны асуудалд орооцолдсон охины эгчид дургүй. Гэхдээ би гишүүн Гантулгын найз биш, тэр бүсгүй миний эрх ашигт сөргөөр огт нөлөөлөөгүй. Зүгээр л өөрийгөө илэрхийлэх өнгө аяс, байгаа байдал нь цаанаасаа л яалтчгүй миний дургүй жанрын хүмүүсийн нэг байна лээ.
Тэглээ гээд энэ өнгөц үзэмж, мэдрэмжээрээ тэр хүнийг харлуулж бас болохгүй. Кино хийнээ гэчихсэн юм дагуудаа. Би тэрэнд нь харин баярласан. Бүхэл бүтэн гишүүний халдашгүй эрхийг үл ажран кино уран бүтээл болгож нийтэд дэлгэнэ гэдэг зориг эрх мэдэлд цөхөрсөн эмэгтэй хүний эцсийн арга юм биш байгаадаа гэж хүртэл бодогдов. Тэр эмэгтэй буруу хөдөлж, болоогүй зүйлээр кино хийвэл буцаад буух хариуцлагыг нь хангалттай мэдэхээр хүн байна лээ.
Энэ шийдвэрт нь кино уран бүтээлчид их ундууцсан бололтой. Зарим нь даапаалж, зарим нь “урлагийг минь улаан махтай холбож доромжиллоо, хэн дуртай нь хийдэг юм биш” хэмээн архирч байна. Эерэгээр хар л даа. Энэ нийгэмд чинь хүүхэн битгий хэл хүүхэд ч хүчиндэж л байнашүүдээ. Тэсрэх гэсэн нийгмийн захиалга ч юм билүү. Тэрэн дээр ажиллах нь урлагийнхны үүрэг шахуу юм байгаа биз дээ. Киноны сэдэв гэдэг зүйл гаднаас хуулж, эсвэл зүүдэнд нь гэнэт мэргэн санаа бууж нтр төрдөг тийм динозаврын мянганы тэмдэг шиг ховрын юм байх албагүй биз дээ.
Яг ингээд бичиж байтал би яагаад тэр хүүхэнд дургүй байсныхаа шалтгааныг олчихлоо. Тэр нэг тийм давлиун л хүүхэн. Үзэл санаа нь зөв байсан ч үгээ бодож, дүүгээ бодож ярьдаггүй хүн шиг санагдсан. Тэр уул нь “Би кино хийнэ.., миний дүү, Гантулга бол” гэж явцуу ярихын оронд арай өргөнөөр “Чин шударгаар яваад үр дүнд хүрэхгүй юм байна. Нийгэмд нөлөөлөх хамгийн хүчтэй зэвсэг кино урлагаар дамжуулан шударга үнэний төлөө, хүчирхийлэлд өртсөн олон хүмүүсийн төлөө тэмцэх болно. Тэрийг минь мэргэжлийн уран бүтээлчид дэмжих байхаа” гэсэн бол урлагийнхны игзаарыг хөдөлгөж, уур бухимдлыг нь тэгтлээ төрүүлэхгүй байх байлаа. Угаасаа л ийм хүн байх. Тиймээс кино урлагийнхан тэгтлээ уурлах дэмий дээ. Өөрөө хийж өвчигнөхгүйгээр мэргэжлийн уран бүтээлчдэд нь хандан нийгэмд цочроо өгч чадвал юу нь буруу гэж.
Би ч яахав жин жаахан нэмчихсэн байгаа гишүүний дүрд өөрийгөө сойдог юм уу хэмээн бодоод л явж байнадаа. Нөгөө эгчийг нь элдвээр хэлчихсэн жаахан буруудав уу? Пальдагдаж байгаад дүрээ авдаг байж уу? Бодлогогүй шиба шүү би нээрэн” гэж хэмээжээ.
