Дэлхийн хамгийн баян эрэгтэй жүжигчид

“Rocky”, “Rambo” зэрэг киногоороо алдаршсан Силввестр Сталлоне бол Холливудад  хүлээн зөвшөөрөгдөж чадсан адал явдалт кино оддын нэг. Тэрбээр 275 сая ам.доллар  хөрөнгөтэй.

“Болливудын хаан” гэж нэрлэгддэг Шах Рух Хан бол дэлхийн хамгийн баян кино одуудын нэг. Тэр бол хамгийн баян эрчүүдийн нэг хэдий ч, мөнгөний тал дээр тун өгөөмөр нэгэн юм. ЮНЕСКО гэх зэрэг олон байгууллагад туслалцаа үзүүлж буян үйлджээ. Шах Рух Ханы нийт хөрөнгө 600 сая ам.доллар.

Жерри Шейнфилд дэлхийн хамгийн алдартай инээдмийн жүжигчин. Тэрбээр дэлхийн хамгийн баян жүжигчдийн жагсаалтыг өнгөлж байна. Түүний телевизийн Шейнфилд шоу хамгийн алдартай шоунуудын нэгээр нэрлэгддэг. Ихэнх хүмүүс түүний жинхэнэ нэр Жероме Аллен Шейнфилд гэдгийг мэддэггүй. Шейнфилд 820 сая ам.доллараар тоологдох хөрөнгөтэй.

Адал явдалт киноны од Том Круз баян жүжигчдийн жагсаалтад орсон явдал бол гайхаад байх зүйл биш. Тэр алдартай жүжигчин төдийгүй маш гайхалтай продюссер. Түүний хөрөнгө 480 сая ам.доллараар тоологдоно.

Жонни Деппийн хамгийн алдартай дүр бол Карибын тэнгисийн дээрэмчин киноны ахмад Жак Спарроугийн дүр. Жүжиглэхийн зэрэгцээ өөрийн гэсэн кино компанитай. Тэрбээр 450 сая ам.долларын хөрөнгөтэй.

Том Ханкс маш олон гуншинтай. Жүжигчин, найруулагч, зохиолч, продюссер гээд  тоочвол дуусахгүй. Салбартаа манлайлагч тэрбээр өнгөрсөн хугацаанд “Cast Away”, “Catch Me If You Can”, “ Apollo 13”, “ Toy Story”, “ Da Vinci Code”, “You’ve Got Mail” зэрэг кинонд бүтээсэн дүрээрээ олон ч шагналыг хүртсэн нэгэн. Түүний нийт хөрөнгө 390 сая ам.доллараар тоологдох гэнэ .

“Матрикс” киногоороо урлагын ертөнцөд тэсрэлт хийсэн жүжигчин бол Канадын жүжигчин Киану Ривз. Түүний нийт хөрөнгө 350 сая ам.доллар аж.

Холливудын хамгийн алдартай жүжигчдийн нэг Леонардо Ди Каприог эко од гэж тодорхойлдог. Уран бүтээл, байгаль орчин гэсэн хоёр салбарт өөрийгөө бүрэн зориулдаг түүний хамгийн их ашиг орлого олсон кино нь Титаник. Ди Каприогийн нийт хөрөнгө 215 сая ам.доллараар тоологдоно.